PIDATO BAHASA SUNDA (BIANTARA)

PIDATO BAHASA SUNDA (BIANTARA)

Biantara atau dalam bahasa indonesia yaitu "pidato" adalah seseorang yang berbicara di hadapan orang banyak mengenai suatu hal dan tujuan tertentu. berpidato adalah salah sau tugas praktek bahasa indonesia bagi para pelajar. dibawah ini adalah contoh pidato namun menggunakan bahasa sunda. khususnya untuk rekan-rekan yang sedang menuntut ilmu di jawa barat yang menjadikan bahasa sunda sebagai salah satu mata pelajaran muatan lokal nya.

Follow me on Twitter!

Pidato

Assalamualaikum Wr. Wb

Langkung tipayun mangga urang sanggakeun puji sinareng syukur ka hadirat Allah SWT, ku jalaran kudrot sareng irodatna urang sadaya tiasa ngumpul ngariung patepung lawung paamprok jonghok dina tempat anu mulya ieu. Dewan juri pasanggiri anu ku simkuring dipihormat, rerencangan sadaya anu ngiring ngarojong dina ieu pasanggiri anu ku simkuring dipideudeuh.

Dina biantara ieu, simkuring bade ngabantun tema nyaeta “Sumanget Kabangsaan” anu jejerna “Ngawaris Sumanget Juang Para Pahlawan”. Sakumaha nu parantos ka uninga ku urang sadaya, yen pajuangan para pahlawan dina ngabela nagara teh  teu kinten-kinten tohtohanana. Aranjeunana rela ngorbankeun jiwa sinareng raga pikeun ngahontal cita-cita anu mulya nyaeta “Kamerdekaan Bangsa Indonesia”.

Hadirin anu ku simkuring dipihormat, kagambar dina emutan urang sadaya, kumaha rongkahna rahayat Indonesia sasarengan mayunan sagala kamungkaran anu timbul saparantos ultimatum di lancarkeun ku pihak panjajah. Kumaha gagahna para putra Indonesia dina mayunan tantara musuh anu pakarangna langkung kuat tibatan tantara urang. Sok sanaos kitu, ungggal jeungkal tina lemah cai Indonesia ku aranjeunana dipertahankeun. Sanaos mung nganggo pakarang “Bambu runcing” rahayat Indonesia anu ngagaduhan jiwa kapahlawanan “Cadu munghuk haram dempat lamun kudu mulang tina pakalangan”  haram kudu serah bongkokan janten patalukan panjajah sanaos dihihileudan ku rupaning propokasi tur intimidasi.

Eta ancaman sadaya teh teu ngajantenkeun para pahlawan sieun atawa geumpeur. Aranjeunana parantos ngabuleudkeun patekadan “leuwih hade paeh bari makalangan tibatan hirup ngayuni bangke”. Aranjeunana bajuang teh estu bener-bener ngajalankeun kawajiban ka lemah cai. Kalawan kayakinan tur sumanget nu ngagedur bari rempug jukung sauyunan.

Hadirin anu ku simkuring dipihormat, diantawis para pahlawan henteu sakedik  jumlahna anu gugur, perlaya di dana laga,teu kantos papendak heula jeung kulawargana. Aranjeunana janten papaes taman makam pahlawan mangrupi kusuma bangsa.

Sanaos para pahlawan parantos ninggalkeun urang sadaya tapi sumangetna masih tetep tumetep ngancik di kaum patriotik, jasana dipieling janten panghias sajarah.

Jentre pisan kangge urang sadaya, yen para putra Indonesia nu gugur janten pahlawan maotna moal percuma. Sabab aranjeunana maot ninggalkeun dharma baktina. Jasa tur dharma bakti aranjeunana ku urang kasaksen tur karaos dina wujud kamerdekaan nu parantos ditebus ku ngocorna getih para pahlawan tur keclakna cimata kulawargana.

Hadirin anu ku simkuring dipihormat, ayeuna kantun urang sadayana pikeun neraskeun pajuangan suci para pahlawan ku cara ngeusian kamerdekaan ku pangwangunan , ngawujudkeun kasejahteraan, ngamajukeun elmu pangaweruh  tur nyerdaskeun bangsa.

Rupina mung sakitu anu tiasa kasanggem, bilih langkung saur bahe carek, bilih aya cariosan nu teu ka ukur, aya sabda nu teu kangiang-ngiang, pondok nyogok panjang nyugak, hapunten tina sagala kalepatan.

Wasalamualaikum Wr. Wb.

Dongeng Bahasa Sunda

Dibawah ini adalah dongeng bahasa sunda tentang ciung wanara, yang merupakan dongeng dari daerah jawa barat. monggo bagi agan-agan yang ingin baca!

CIUNG WARNARA

Kacaturkeun di karajaan galuh, anu ngaheuyeuk dayeuh waktu harita teh nyaeta prabu Brama Wijaya Kusuma. Anjeuna boga permaisuri dua nu kahiji Dewi Naga Ningrum ari nu kadua Dewi Pangrenyep. Harita duanana keur kakandungan.

Barang nepi kana waktuna Dewi Pangrenyep ngalahirkeun. Budakna kasep jeung mulus, di ngaranan Hariang Banga. Tilu bulan ti Harita Dewi Naga Ningrum oge ngalahirkeun diparajian ku Dewi Pangrenyep. Orokna lalaki deui tapi ku Dewi Pangrenyep diganti ku anak anjing, nepi ka saolah-olah Dewi Naga Ningrum teh ngalahirkeun anak anjing. Ari orok nu saestuna di asupkeun kana kandaga dibarengan ku endog hayam sahiji, terus di palidkeun ka Citanduy.

Mireungeuh ku kaayaan kitu, sang prabu kacida ambekna ka Dewi Naga Ningrum

“hey Ningrum maneh kacida ngawiwirangna ka kaula nu jadi raja, sabab maneh teh geus ngalahirkeun anak anjing.” Ceuk Prabu Brama Wijaya Kusuma.

“Ampun kakang, teu pisan- pisan hamba seja ngawiwirang paduka. Hamba oge teu ngaharepkeun ngalahirkeun anak anjing” ceuk Dewi Naga Naga Ningrum.

Saking ambekna, sang prabu nitah ki lengser supaya maehan Dewi Naga Ningrum.

“Ki kadieu yeuh, bawa ieu permaisuri paehan” ceuk parabu Brama Wijaya Kusuma.

“timbalan gusti prabu” ceuk Ki Lengser.

Dewi Naga Ningrum dibawa ku lengser tapi henteu di paehan. Ku lengser di selongkeun kaleuweung anu jauh ti dayeuh Galuh. Ari kandaga anu di balikeun tea, nyangsang dina badodon tataheunan lauk aki jeung nini Balangantrang. Barang aki jeung nini balangantrang neang tataheunana kacida bungahna meunang kandaga teh. Leuwih-leuwih saenggeus nyaho yen dijerona aya orok lalaki anu mulus tur kasep.

“Ni…Nini.., kadieu ! ieu aki meunang kandaga” ceuk Aki Balangantrang.

“Euleuh enya, naon eusina Ki?” ceuk nini Balangantrang.

“Ieu ni aya orok mani kasep pisan” tembal si Aki.

“Alhamdulillah, ayeuna urang boga budak” tembal si Nini.

Gancangna budak teh dirawu dipangku dibawa kalemburna nyaeta lembur Geger  Sunten, sarta diaku anak. Kacaritakeun budak teh geus gede. Tapi masih keneh can di ngaranan. Hiji poe budak teh milu kaleuweung jeung aki Balangantrang. Nenjo manuk nu alus rupana, nanyakeun ka aki Balangantrang eta manuk.

“Ki eta manuk naon mani alus pisan?” Tanya si budak bari tutunjuk.

“Oh eta, eta teh ngarana manuk ciung” tembal si aki.

Tuluy nenjo monyet, nanyakeun deui ngarana.

“Ari  nu eta naon ki?” ceuk budak bari tutunjuk deui.

“Tah eta mah ngarana Wanara” ceuk aki.

Budak teh resep kana eta ngaran, tuluy menta supaya manehna di ngaranan Ciung Wanara. aki jeung nini Balangantrang satuju. Ayeuna Ciung Wanara geus jadi pamuda anu kasep sarta gagah pilih tanding. Ari endogna tea di sileungleuman ku Nagawiru ti Gunung Padang, nepi ka megarna. Ayeuna geus jadi hayam jago anu alus tur pikalucueun.

Dina hiji poe, ciung wanara pamitan ka aki jeung nini Balangantrang, sabab rek nepungan raja di Galuh. Inditna bari ngelek hayam jago tea. Barang nepi ka Alun-alun amprok jeung patih Purawesi katut patih Puragading. Nenjo Ciung Wanara mawa hayam jago, eta dua patih teh ngajak ngadu hayam. Ku Ciung Wanara dilayanan. Pruk bae hayam teh diadukeun. Hayam patih eleh nepi ka paehna. Dua patih ngambek, barang rek ngarontok, Ciung Wanara ngaleungit. Dua patih buru-buru lapor ka raja.

Ari Ciung Wanara papanggih jeung Lengser. Terus milu ka karaton. Nepi ka karaton Ciung Wanara ngajak ngadu hayam. Duanana make tandon. Lamun hayam Ciung Wanara eleh, tandona nyawa Ciung Wanara. Sabalikna laum hayam raja nu eleh, tandona nagara sabeulah, sarta Ciung Wanara baris di jenengkeun raja tur diaku anak.

Gapruk bae atuh hayam teh diadukeun. Lila-lila hayam Ciung Wanara teh kadeseh terus kapaehan. Ku Ciung Wanara di bawa ka sisi Cibarani,Di mandian nepi ka elingna. Gapruk diadukeun deui. Keur kitu datang Nagawiru ti Gunung Padang nyurup kana hayam Ciung Wanara. Saenggeus kasurupan Nagawiru, hayam Ciung Wanara unggul. Hayam raja eleh nepi kapaehna.

Luyu jeung janjina Ciung Wanara dibere Nagara sabeulah, Beulah kulon. Di jenengkeun raja sarta diaku anak ku Prabu Brama Wijaya Kusuma. Ari nagara sabeulah deui Beulah wetan di bikeun ka Hariang Banga. Ku kabinekasan ki Lengser, Ciung Wanara bias patepung deui jeung indungna nyaeta Dewi Naga Ningrum.

Lila-lila reka perdaya Dewi Pangrenyep teh kanyahoan ku Ciung Wanara. Saterusna atuh, Dewi pangrenyep teh ditangkep sarta dipanjarakeun dina panjara beusi.

Hariang Banga kacida ambekna basa nyahoeun yen indungna geus dipanjara ku Ciung Wanara. Der atuh tarung. Taya nu eleh sabab sarua saktina tapi lila-lila mah hariang banga teh kadeseh ku Ciung Wanara. Haring Banga di balangkeun ka wetaneun Cipamali. Tah, harita kaayaan galuh jadi dua bagian teh. Kuloneun Cipamali di cangking ku Ciung Wanara, ari wetaneunana di cangking ku Hariang Banga.

semoga bermanfaat sobat!

TA'ARUF

Assalamualaikum..
senang bisa membuka blog ini kembali, dulu blog ini pernah aktif sewaktu saya masih kecil dan belum terlalu mengerti masalah Bloging apalagi Pripacy.
belum ada post yang bisa saya buat pada sekarang ini. yang pasti saya akan posting untuk kedepannya. judulnya saja "Coretanku.." pasti isinya hanyalah coretan entah itu cerita hidup atau pengakaman dan berbagi ilmu. silahkan follow saya di twitter AKU...

seperti hobby saya di budaya- budaya sunda terutama bernyanyi, saya akan post seputar budaya juga di sini. kawan mari berteman dengan saya. semakin banyak teman semakin baik.

bagi kawan yang sengaja atau tidak masuk ke blog ini, silahkan tinggalkan komentar supaya kita saling kenal. Terimakasih.
Wassalamualaikum....,.